நீங்கள் தேடியது "மாநகர பஸ்"

சென்னை:

தமிழக சட்டசபையில் கேள்வி நேரத்தின் போது தி.மு.க. உறுப்பினர் வி.ஜி.ராஜேந்திரன் (திருவள்ளூர் தொகுதி) துணை கேள்வி எழுப்பினார். அப்போது அவர் பேசும்போது, ‘ திருவள்ளூரில் இருந்து தாம்பரம் வரை 566 ஏ என்ற எண் கொண்ட 5 நகர பஸ்கள் நாள்தோறும் 10 நடைகள் இயக்கப்பட்டு வந்தன. கடந்த 6 மாதகாலமாக அந்த பஸ்கள் நிறுத்தப்பட்டு, திருவள்ளூரில் இருந்து பூந்தமல்லி வரை 597 ஏ என்ற எண் கொண்ட பஸ்கள் தான் தற்போது இயக்கப்பட்டு வருகிறது. திருவள்ளூரில் இருந்து தாம்பரத்துக்கு வேலைநிமித்தமாக ஏழை-எளிய மக்களுக்கும், படிப்புநிமித்தமாக மாணவர்களும் சென்று கொண்டிருக்கக் கூடிய இந்த வேளையில் 6 மாதகாலமாக நிறுத்தப்பட்டதை மாற்றி திருவள்ளூரில் இருந்து தாம்பரம் வரை மீண்டும் பஸ்கள் இயக்கப்படுமா?’ என்று கேட்டார்.

அதற்கு போக்குவரத்துத்துறை அமைச்சர் எம்.ஆர்.விஜயபாஸ்கர் பதில் அளித்து பேசும்போது ‘அந்த வழித்தடத்தில் பயணிகளின் அடர்வினை ஆய்வு செய்து, தேவை இருந்தால் பஸ்களை மீண்டும் இயக்குவதற்கு அரசு ஆவன செய்யும்’ என்று தெரிவித்தார். #Minister #MRVijayabaskar

சென்னை:

சென்னை மாநகர, போக்குவரத்து நெருக்கடியை குறைப்பதற்காகவும் விரைவு பயணத்திற்காகவும் மெட்ரோ ரெயில் திட்டம் உருவாக்கப்பட்டது. கோயம்பேடு-ஆலந்தூர், சின்னமலை-விமான நிலையம் வரை உயர்மட்ட பாதையிலும், திருமங்கலம்-நேருபூங்கா வரை சுரங்க பாதையிலும் மெட்ரோ ரெயில் போக்குவரத்து நடந்து வருகிறது.

பயணிகள் இடையே வரவேற்பு ஏற்பட்டுள்ளதையொட்டி சென்னை மாநகரம் முழுவதும் மெட்ரோ ரெயில் திட்டம் விரிவு படுத்தப்பட்டு வருகிறது.

நேருபூங்கா-சென்ட்ரல், சைதாப்பேட்டை-டி.எம்.எஸ். வரையிலான பணிகள் நிறைவுபெற்றுள்ளதையொட்டி அடுத்தவாரம் ரெயில்வே பாதுகாப்பு கமி‌ஷனர் ஆய்வு நடத்துகிறார். வருகிற 14,15,16 ஆகிய 3 தினங்கள் இந்த ஆய்வு பணிகள் நடக்கிறது.

சென்னை மெட்ரோ ரெயிலில் பயணம் செய்ய வழங்கப்படும் ‘ஸ்மார்ட்’ கார்டு மூலம் சென்னை மாநகர பஸ்களிலும் பயணம் செய்யும் வசதி விரைவில் அமல்படுத்தப்பட உள்ளது. வாகன பார்க்கிங் கட்டணத்துக்கும், இந்த ‘ஸ்மார்ட்’ கார்டுகளை பயன்படுத்த திட்டமிடப்பட்டுள்ளது.

இதற்கான ஆய்வு பணிகளில் மெட்ரோ ரெயில் நிர்வாகத்தினர், மாநகர போக்குவரத்து கழகத்தினர் ஈடுபட்டு வருகிறார்கள். மெட்ரோ-பஸ் பயணிகள் ‘ஸ்மார்ட் கார்டு’ வசதிகள் மூலம் பெரிதும் பயன் பெறுவார்கள். #MetroTrain